هام اللجنه الامنيه ولاية كسلا
الشرطه عين ساحرة ويد امينه .
لكن ما حدث في القسم الأوسط بولاية كسلا لن نتركه ليتكرر مرة أخرى.
الثلاثاء ١١فبراير ٢٠٢٥ الساعة ٦ مساء دخلت منزلي إذا أجد هذا الحرامي خارج من الغرفه ويحمل سيف وسكين مجردات محاولا ضربي ولكن رغم ذلك بفضل الله سيطرت عليه وبعد القبض ناديت الأخوة وتم تكبيله وكالعادة لا يعمل رقم تلفون الدوريات فذهبت للقسم مطالبا الدوريه وتم توجيهي الضابط المناوب.
قلت ليهو يا جنابو انا قبضت حرامي داخل بيتي ومعاه دهب وتلفون ومواد مخدرة. تخيل الضابط قال لي امش النيابة!؟ قلتليهو هسع قاعد في البيت وامش النيابة كيف؟ قالي انا اعمل ليك شنو قلت ليهو اديني دوريه وكان مشغول بي تلفونوا وكأن الأمر لا يهمه. قلتليهو تديني سيارة دوريه قالي انا ما اعرف محل دوريه. قلتليهو انا ح امش للجهات العليا قالي شوف راحتك بعدما طلعت قالي شوف ناس الدوريات بره. المهم اتجرجر معاي وكان متعصب. واخيرا وجدت ناس الدوريات وذهبنا للبيت وتم استلام الحرامي اي النهابي وبجميع المعروضات داخل البيت. ولما وصلنا القسم ودخلنا لي نفس الضابط قالي انت جايب شافع بعدا فجأة قرر الضابط أن المتهم طفل. وقلتليهو طفل يعني ما يتحاسب؟ قالي يازول الزول دا تجيب اتز وله تفكوا كدا نحن مهمتنا انتهت تخيل. انو سلمو جميع المعروضات للمجرم وعايز يطلع من القسم.. طولي بعد ما سلموهوا الدهب والشنطه والموبايل وحتى السلاح حلفت انو ما يطلع من الحوش واقسمت انو الكلام لازم يصل لكل الولايه بأن فساد هذا الضابط وغيره قد شجعوا الحراميه في سرقة ونهب ممتلكات الناس بل ربما يكونوا شركاء وبعد كلامي دا اقنعوا الضابط انو يودهوا الأسرة والطفل وبعد داك ما عندهم بينا علاقه.
وانا انشاء الله الموضوع دا بديت في الإجراءات واي شخص متماطل مع المجرمين. ويريد زعزعة الأمن والاستقرار فهو طابور والله لن نتركه. إذا لم تتخذ اللجنه الامنيه إجراءات ضد الضباط المناوئين لليوم قسما سنقوم بمظاهرات واحتجاجات.
كتب : محمد هداب
المصدر من هنا
دي الافعال الغير مطلوبة وتكره المواطن يجب محاسبة العسكري البليد دا ويجب ان تقام مظاهرات في كل مكان حتي لايتكرر مثل هزا العمل ويجب احترام المواطن ويجب الاهتمام بالبلاغات وتسهيل عملية التحرك السريع في حالة التعدي علي النفس والاسرة والمال والعرض كفااااااااااااية تهاون
اذا قبضت حرامي جوة بيتك بلو طوالي ما تتعب نفسك